بلاش تدخل

موضوع: بلاش تدخل الخميس فبراير 07, 2008 2:31 pm

اول حاجه انا بشكرك انك عبرتنى وبصيت على الموضوع دا

ثانيا بترجاك تستنى للاخر وتقرا كلامى مش هقولك حكاياتى ولا اشعارى ولا الامى
انا بس عايز اتكلم فى اللى بيحصلنا فى الحياه
مسك الدكان وقال هظبطلكم الاكل والعيشه والمياه
لا شفنا منه حاجه ولا حتى عارفين ننام
بصوت عربياته رايح جاى بالمدام
هو مسكه قبل مانا اتولد ييجى كدا ثلاثة اعوام
ومامشاش على الدستور وقعد على تلها لحد ما الجنيه فى عصره عام
وكل يوم يقول هعمل حاجه واظبطكم كمان وكمان
قال ايه الموظف والسواق وحتى الغلبان
هيشعيشوا عيشه تمام
بس على اصوله بان
وراح عام ورا عام
وبعد 27 عام
لسه الكلام هو هو
والامن للدكان ماسك بقوه
عارف ليه لان اللى فوق مش حاسس بالامان
خايف من اللى بيجرى على اكل عياله والسلام
القضاه فى عهده اتضربوا بالجزم وبتوكة حزام
وهو شايف ومابيتكلمش واخره يقول يا حرام
هو دا كلام
اخواتى البنات
الصحفيات ضربوهم واغتصبوهم بمعاونة بلطجيات
رقة الصفحات فى مواجهة الدبابات
وهو كان واقف والصوره دى شافها
بس مش هيتكلم علشان مايسبهاش
السلطه يا ولداه معقداه
ابن عمى راح وصاحبى معاه وكام واحد من عندنا من الحته
رايحين على اى شغلانه بره البلد رجعوا جته ورا جته
وبرضه شافهم وعارف حكايتهم
ومش عايز يتحرك معانا هو كدا ينفع بذمتكم
ونفضلهم
ويوم فرح ابنه قاعة الفرح بتاع ابنه بناها
ومش هقولكم ازاى ملاها
وبعدها بقوله مش هتسيبها بقى يا ريس

يرد عليا عم احمد بصوت كويس
وانت عايزنى اعملهم ايه هشوف مصلحة غيرى ولا مصلحة الدكان
اصل انا بكلمك عن عم احمد المليونير اللى تحتنا السوبر ماركت اوعى يكون مخك راح لبعيد
اصل جدى كان عايز ياخد الدكان
بس عم احمد عمل حوار وكان بيبيع دخان
ومن يومها وجدى بذات الرئه تعبان

والنكته انه لسه بيحب عم احمد وبيشترى من عنده دخان

انا بتكلم عن عم احمد
ونهاية الكلام السلام

بهيس

موضوع: رد: بلاش تدخل الإثنين فبراير 18, 2008 8:44 am

هههههه مرررررررسى على الموضوع سااااااانكس

موضوع: رد: بلاش تدخل الخميس فبراير 21, 2008 3:29 am